🌐 Xalqaro hamkorlik

Toshkent xalqaro universiteti va Turkiyaning Necmettin Erbakan universiteti bilan hamkorlik aloqalari o’rnatildi.

🎓 Universitetning Biznes va innovatsion ta’lim fakulteti dekan I.Foziljonov Turkiyaning Necmettin Erbakan universitetida bo’ldi. Tashrif davomida, Necmettin Erbakan universiteti rektori, professor Cem Zorlu janoblari bilan uchrashdi.

🤝 Shundan so’ng, universitet prorektori professor Hidayet Oguz bilan ikki mamlakat oliy ta’lim muassasalari o‘rtasida ilmiy hamkorlikni kuchaytirish, qo‘shma tadqiqotlar, akademik almashinuv dasturlarini yo‘lga qo‘yish masalalari atroflicha muhokama qilindi.

📚 Tashrif davomida, fakultet dekan I.Foziljonov “Turizm va biznes” hamda “Ta’lim” fakultetlarini o’quv jarayoni bilan yaqindan tanishdi. Shundan so’ng, fakultet dekanlari Prof. Mehmed, Prof. Mursel Bicherlar bilan universitetning biznes, ta’lim va xorijiy til yo’nalishi talabalarining akademik almashinuvi va xalqaro amaliyot dasturlari, professor-o’qituvchilar uchun malaka oshirish kurslarini tashkil etish, universitetlararo ilmiy loyiha va grantlarni yo’lga qo’yish bo’yicha kelishuvga erishildi.

📈 Ma’lumot uchun, Necmettin Erbakan universiteti Turkiyaning nufuzli davlat universitetlaridan biri hisoblanib, bugungi kunda universitetning 20 ta fakultetida jami 40 mingdan ortiq talaba tahsil oladi.