TIU va UWE Bristol o‘rtasida hamkorlik uchrashuvi

2025-yil 29-aprel kuni Tashkent International Universityda Buyuk Britaniyaning yetakchi oliy ta’lim muassasalaridan biri — University of the West of England (UWE Bristol) vakili bilan hamkorlik uchrashuvi bo‘lib o‘tdi.

Uchrashuv chog‘ida bakalavriat bosqichida 3+1 qo‘shma ta’lim dasturini tashkil etish, shuningdek, talabalar uchun yozgi maktab dasturlarini yo‘lga qo‘yish imkoniyatlari muhokama qilindi.

TIU xalqaro akademik hamkorlik doirasini kengaytirish va talabalarga xorijda ta’lim olish imkoniyatlarini yaratish yo‘lida izchil sa’y-harakatlarini davom ettirmoqda.