🎓 TIU va CMI o‘rtasida hamkorlik uchrashuvi bo‘lib o‘tdi

📍 Tashkent International University (TIU)da Buyuk Britaniyaning Chartered Management Institute (CMI) vakillari bilan hamkorlik uchrashuvi bo‘lib o‘tdi. Suhbat chog‘ida ta’lim sohasida xalqaro professional standartlarni joriy etish, menejment va liderlik bo‘yicha sifatli dasturlarni rivojlantirish, hamda o‘qituvchi va talabalar uchun kasbiy imkoniyatlarni kengaytirish masalalari muhokama qilindi.

🤝 Uchrashuv doirasida TIUda CMI bilan qo‘shma ta’lim dasturlarini ishlab chiqish, malaka oshirish kurslarini yo‘lga qo‘yish, xalqaro sertifikatlash imkoniyatlarini yaratish va universitetning global akademik nufuzini mustahkamlash borasida kelishuvlarga erishildi.

🌐 Ushbu hamkorlik TIU jamoasi uchun xalqaro tajriba almashuvi, professional rivojlanish va xalqaro me’yorlarda o‘quv muhitini kengaytirish yo‘lida yangi imkoniyatlar eshigini ochadi.