TIU talabalari Lund Universitetiga (Erasmus+) akademik almashinuv dasturiga qabul qilindi!

TIU talabalari Lund Universitetiga (Erasmus+) akademik almashinuv dasturiga qabul qilindi!

Tashkent International University (TIU)ning bir guruh iqtidorli talabalari Shvetsiyaning Lund Universitetida (QS Top 76) Erasmus+ Xalqaro Kredit Mobilitet dasturi doirasida o‘qish uchun saralanganini mamnuniyat bilan ma’lum qilamiz.

Ushbu talabalar quyidagi bosqichlardan iborat bo‘lgan qizg‘in tanlov jarayonidan muvaffaqiyatli o‘tishdi:

✅ Bir sahifalik motivatsion xat

✅ O‘zbekistonda korrupsiyaga qarshi kurash va biznes muhiti mavzusida 1500 so‘zli ilmiy esse

✅ O‘qishdagi muvaffaqiyat va ingliz tilini bilish darajasini tasdiqlovchi hujjatlar

✅ 2 daqiqalik ilmiy taqdimot videosi

✅ Tanlov komissiyasi bilan suhbat

🌍 O‘qish muddati: 

2026-yil 15-yanvar – 15-iyun

💶 Grant paketi quyidagilarni o‘z ichiga oladi:

• Aviabilet xarajatlari qoplab beriladi

• O‘qish uchun to‘lovdan ozod etiladi

• Oyiga 900 yevro stipendiya

🔍 Saralangan ishtirokchilar xalqaro akademik muhitda ta’lim olib, Yevropaning korrupsiyaga qarshi kurash hamda biznes muhitini yaxshilash bo‘yicha strategiyalarini o‘rganadilar.

Bu — butun universitetimiz jamoasi uchun faxrli lahza! Talabalarimizni ushbu yutuqlari bilan tabriklaymiz! Ularning intilishi, ilmiy salohiyati va izlanishlari Yevropaning yetakchi universitetlaridan birida tahsil olish imkonini yaratdi.