Sport! Voleybol

O'zbekiston Respublikasi Prezidenti tomonidan ilgari surilgan 5 ta muhim tashabbus doirasida Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish hamda qo'llab quvvatlash maqsadida, universitetimiz talabalari va boshqa OTM talabalari o'rtasida doimiy ravishda o'rtoqlik musobaqalari o'tkazib kelinmoqda.

Joriy yilning 17-may kuni sportning voleybol turi bo’yicha Tashkent International University, Toshkent shahridagi Belarus-O’zbekiston qo’shma tarmoqlararo amaliy texnik kvalifikatsiyalar instituti talabalari hamda Qibray tumani Navro’z mahallasi sportchi yoshlari ishtirokida o’rtoqlik uchrashuvi o’tkazildi.

Universitetimizning barcha sportchi talabalarini shu kabi o’rtoqlik uchrashuvlarida ishtirok etishga chorlab qolamiz.

Bunday sport uchrashuvlari nafaqat salomatlik, balki do'stlik, hamkorlik va sog'lom turmush tarzining mustahkamlanishiga xizmat qiladi.