QADRIYATLARING BOQIY BO`LSIN, NAVRO`Z!

Tashkent International Universityda joriy yilning 20-mart kuni "Qadriyatlaring boqiy bo‘lsin, Navro`z" shiori ostida bayram tantanalari bo‘lib o`tdi.

Tadbirni universitet rektori Jun Yong Wook ochib berdi hamda kirib kelayotgan Navro`z ayyomi bilan barchani samimiy tabrikladi.

Tadbir davomida universitetning iqtidorli talabalari tomonidan tayyorlangan raqslar, kuy va qo‘shiqlar bayram tadbirining yanada yuqori kayfiyatda o‘tishiga sababchi bo‘ldi.

Shuningdek, tadbirda Yunusobod tumani 9-Ixtisoslashtirilgan davlat umumta'lim maktabining iqtidorli o`quvchilari o‘zlarining badiiy chiqishlari bilan ishtirok etdilar. Ular ijrosidagi sho`x raqslar bayram qatnashchilariga xursandchilik ulashdi.