Muallim kamolot ichra ko‘zgudir

Ustoz — sabr, matonat va sadoqat bilan dunyoni bunyod etuvchi buyuk kasb egasi. U buyuk shaxslarni tarbiyalaydi, o‘zi esa sodda qiyofada qolib, eng kichik e’tirofdan ham cheksiz mamnuniyat topadigan mo‘tabar insondir.

Bugun, 1-oktyabr — Ustoz va murabbiylar kuni. Yurtimizning barcha ta’lim va ziyo maskanlarida fidoyi ustozlarimizga bag‘ishlangan samimiy tabriklar yangramoqda.

✨ Bu bayramona ruh Tashkent International University oliygohini ham chetlab o‘tmadi. Oliy ta’lim dargohimizda jonkuyar, mehribon va fidoyi ustozlarimizning kasb bayrami munosabati bilan tantanali kutib olish marosimi o‘tkazilmoqda.

🎓 Bugungi bayramona jarayon ustozlarimizga cheksiz quvonch va ilhom baxsh etmoqda. Bu iliq shukuh butun universitet muhitiga o‘zgacha fayz olib kirmoqda.

📸 Jarayoning yorqin lahzalaridan lavhalar bilan tanishing!