Aspirantura

O'zbekiston Respublikasi Vazirlar Mahkamasi huzuridagi Toshkent islom universiteti aspiranturasi 2000 yil tashkil etilgan. Har yili 15 dekabrda kunduzgi aspiranturaga qabul o'tkaziladi. Aspiranturada 240000 "Sharqshunoslik fanlari" mutaxassisligining quyidagi yo'nalishlari bo'yicha ilmiy-tadqiqot ishlari olib boriladi:

240001 - "Dinshunoslik nazariyasi"

240002 - "Islom tarixi va manbashunosligi"

240003 - "Islom huquqi"

Bo'limni fil.f.n. N.S.Azizova boshqaradi.

Bugungi kunda Toshkent islom universiteti aspiranturasida 17 ta aspirant, 35 ta tadqiqotchi, 2 ta doktorant-tadqiqotchi din tarixi, falsafasi, nazariyasi, islom dini tarixi, falsafasi, manbalari, islom huquqi masalalariga doir turli mavzularda ilmiy izlanish olib bormoqda. Ularga professorlar, fan doktorlari, dosentlar, fan nomzodlari ilmiy rahbarlik qiladilar.Universitet aspirant va tadqiqotchilari respublika miqyosida o'tkaziladigan hamda xalqaro ilmiy-amaliy anjumanlarda uzlarining ilmiy maqolalari bilan faol ishtirok etadilar. Har yili universitet miqyosida aspirant va tadqiqotchilarning ilmiy-amaliy konferensiyasi o'tkaziladi hamda muhokama qilingan maqolalar nashrga tavsiya etiladi. Shu bilan birga, aspirantlar o'z mutaxassisliklari bo'yicha talabalar, akademik lisey o'quvchilari uchun ma'ruzalar o'qiydilar, amaliy mashg'ulotlar o'tkazadilar.

Hozirgi kunda ilmiy-pedagogik kadrlarni tayyorlash uchun barcha sharoitlar yaratilgan. Universitet Ilmiy kengashi aspirantlarning faoliyatiga alohida e'tibor bilan qaraydi. O'quv yili davomida Ilmiy kengash majlislarida aspirantlar va ularning ilmiy rahbarlarining hisobotlarini muntazam ravishda muhokama qilib boradi. Ilmiy kengash qarorlari asosida ularga imtiyozlar, qulayliklar yaratiladi. Muddatidan ilgari ilmiy ishini nihoyasiga yetkazgan aspirant va uning ilmiy rahbariga Ilmiy kengash qarori bilan stipendiyasi va oylik maoshining 10 barobar miqdorida mukofot beriladi. Aspirant va tadqiqotchilarning o'z ilmiy ishlarini himoya qilishlari uchun universitetda nomzodlik va doktorlik dissertasiyalarining himoyasi bo'yicha Ixtisoslashgan kengash faoliyat ko'rsatmoqda.

Bugungi kunda 3 ta aspirant o'z ilmiy ishini yakunlab, muvaffaqiyatli himoya qildi.