Universitetning yetakchi kafedralaridan biri. Islomshunoslik kafedrasi Toshkent islom universiteti Islom tarixi va falsafasi fakulteti tarkibiga kiradi. Mazkur kafedra 2006 yil 30 avgustda tashkil etilgan.

Kafedraning maqsad va vazifalari:

islom diniga oid ta'lim yo'nalishlari bo'yicha chuqur bilimli o'qituvchilar tayyorlash;
ajdodlarimizning boy diniy, ilmiy-nazariy meroslarini tiklash, chuqur o'rganish, tahlil etish, rivojlantirish, tadqiqotlar olib borish, tarjimalar qilish va nashrga tayyorlash;
uzluksiz ta'lim tizimi va keng jamoatchilikuchun islomshunoslik, xususan, islom ta'limoti, ma'naviy merosimizdurdonalari bo'yicha keng qamrovli ilmiy-ommabop asarlar, o'quv darsliklari va qo'llanmalarini tuzish va keng jamoatchilikka yetkazish;
yetuk islomshunos mutaxassislarni tayyorlash, ularni ajdodlarimizning ma'naviy merosi bilan yaqindan tanishtirish.

Kafedra tarkibi

Kafedrada 11 nafar professor-o'qituvchilar dars beradi. Ulardan 1 fan doktori, 7 fan nomzodi.

T.f.n., dots. D.Rahimjonov — kafedra mudiri, fil.f.d., prof. Z.Islomov, t.f.n. R.Obidov, t.f.n. S.Oqilov, t.f.n. I.Usmonov, t.f.n. A.Abdullaev, t.f.n. D.Murodov, t.f.n. Sh.Ziyodov, kafedrada o’qituvchilardan A.Soliev, B.Ahmedov, A.Alloqulovlar faoliyat ko’rsatishmoqda.
Kafedra ustozlari talabalarga «Islomshunoslik», «Islom manbashunosligi», «Islom tarixi va falsafasi», «Hadis va hadisshunoslik», «Qur’on va tafsir», «Qur’oni karim ma’nolarining tarjimasi», «Balog’at», «Islom ilohiyoti», «Kalom ilmi (aqoid)», «Chet tillardagi maxsus adabiyot bo’yicha amaliyot» va «Qur’onshunoslik» kabi fanlardan saboq berishmoqda.

Kafedra faoliyati va izlanishlar

Kafedra professor-o’qituvchilari — f.f.d., prof. Z.Islomov «Mahmud Zamaxshariyning ilmiy merosi va uning jahon fani tarixida tutgan o’rni»; t.f.n. R.Obidov «Qur’on oyatlari, tafsirlari va hadislarning diniy aqidaparastlikka qarshi kurashdagi ahamiyati»; t.f.n. D.Rahimjonov «Samarqandda hadis ilmi taraqqiyoti (VIII-XIX asrlar)»; o’qituvchi D.Murodov «Xanafiy mazhabining shakllanishida sunnaning o’rni»; o’qituvchi A.Abdullaev «Abu Lays Samarqandiyning «Bahrul-ulum» asarining tahlili»; o’qituvchi A.Soliev «Abu-l-Lays as-Samariandiyning «Xizonatu-l-fiqh» asari Hanafiy fiqhiga oid muhim manba» kabi mavzularda ilmiy ish olib borishmoqda.
Kafedra ustozlaridan Z.Islomov «Islom manbashunosligi» va «Qo’lyozmalarni o’qish amaliyoti», B.Ahmedov «Qur’on va tafsir» va A.Soliev «Koranistika» kabi to’garaklarni olib boradilar.

Kafedra professor-o’qituvchilari turli grant va innovasion loyihalarda ishtirok etib kelmokdalar. Bunga misol qilib «Diniy ekstremizm va terrorizmga qarshi kurashda allomalar ilmiy merosining mohiyati», «Islom manbalari asosida atama va iboralarning ensiklopedik lug’atini yaratishning ilmiy nazariy asoslari», «Uzluksiz ta’lim tizimida din haqida ma’lumot beruvchi qo’llanmalar yaratish», «VII—XX asrlarda islom dinining hududiy tarqalishi bo’yicha xaritalar yaratishning ilmiy-uslubiy asoslari» va «Islom tarixi, falsafasi, ma’naviyati, qadriyatlari manbalarini aniqlash, ilmiy tahlil etish va nashrga tayyorlash» grantlarini ko’rsatish mumkin.